- 117 -

1339. Febr. 28. Breslau.

Die breslauer Bürger Johann von Troppau, Johann Salomon, Franczko Hartlieb und in ihrem Namen Conrad von Falkenhain und Johann Schirmer bestätigen den Städten Liegnitz und Hainau ihre Privilegien.

Nos Johannes de Oppauia, Johannes Salomonis, Franczko Hartlibi, ciues Wratislavienses et nos Cunadus de Falkenhayn et Johannes Schirmer nomine eorum et eorum heredum promittimus bona fide et sine dolo ciuibus Legniczensibus et Haynouiensibus ipsisque ciuitatibus, et nominatim consulibus, judicibus, scabinis, juratis, qui nunc sunt et in antea fuerint ac toti communitati dictarum ciuitatum, siue intra vel extra ciuitates predictas ad gremium earum dumtaxat pertinentibus, ipsos circa omnes libertates et jura, siue sint perpetua siue temporalia, siueque sint de jure vel de gracia, que litteris vel aliis demonstracionibus racionabilibus ostendere potuerint et singulariter ad gracias, quas dominus dux Boleslaus serenissimus ciuitati Legnicz ob incendium et alias depauperaciones fecit, et si qua fecit in Haynouia absolute dimittere et ipsos circa eadem totis viribus conseruare et ipsos pro omni nostra facultate protegere et in omnibus sine dolo preesse, volentes eos omnes et singulos a violencijs ac iniurijs omnibus contra quoscunque siue in ciuitatibus predictis sive extra eas, intra vel extra terram pro omni posse nostro fideliter preseruare, addicentes preterea, si nos eos nomine vendicionis vel pignoris a nobis ad alios indicare contingeret, quod ipsis certam litteram patentem talium, ad quos ipsos indicauerimus, in qua eadem promissa, que ipsis iam fecimus, ipsis sine dolo promittantur, tenebimur ordinare. In cujus rei robur et confirmacionem constantem presentem eis dedimus litteram nostrorum sigillorum robore consignatam. Datum Wratizlavie die dominica, qua cantatur Oculi, anno domini millesimo trecentesimo tricesimo nono.

O. d. St. L. No. 51. Nur zwei Siegel, an Pergamentstreifen hangend, sind erhalten; Sigillum Johannis Salomonis, mit einem Dreschflegel in der Mitte, und S. Conadi d. Valkinhayn, auf einem dreieckigen Wappenschilde ein Geweih. — Bitschem Privilegb. f. CXCIII.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866